ກ່ຽວກັບທະນາຄານ

          ທະນາຄານຮ່ວມພັດທະນາໄດ້ຖືກສ້າງຕັ້ງຂື້ນເມື່ອໃນວັນທີ 3 ຕຸລາ 1989 ໂດຍການຮ່ວມທຶນລະຫວ່າງ ທະນາຄານ ແຫ່ງ ສປປ ລາວ ຖືຮຸ້ນ 30% ແລະ ນັກ ທຸລະກິດໄທ ຖືຮຸ້ນ 70%.

         

          ໃນວັນທີ 15 ມິຖຸນາ ປີ 2010 ທະນາຄານ ແຫ່ງ ສປປ ລາວ ໄດ້ໂອນຮຸ້ນຂອງ ຕົນໃຫ້ແກ່ ນັກທຸລະກິດໄທ 100% ແລະ ທະນາຄານຮ່ວມພັດທະນາກໍ່ໄດ້ກາຍເປັນ ທະນາຄານທີ່ລົງທຶນ ໂດຍຕ່າງປະເທດ 100%.

          ໃນ​ວັນ​ທີ 18 ຕຸລາ ປີ 2012 ຜູ້ຖືຮຸ້ນໄທໄດ້ຂາຍຮຸ້ນຂອງຕົນທັງໝົດໃຫ້ແກ່ ນັກລົງທຶນພາຍໃນ ແລະ ທະນາຄານຮ່ວມພັດທະນາ ໄດ້ກາຍເປັນທະນາຄານ ເອກະຊົນລາວ 100% ​ໂດຍການເປັນ​ປະ​ທານ​ສະພາຜູ້​ບໍ​ລິຫານທ່ານ ​ເອກະ​ພັນ ພະ​ພິທັກ ​ນັກທຸລະກິດໜຸ່ມໄຟ ແຮງ ເຊິ່ງມີ​ປະສົບ​ການ​ໃນ​ການ​ບໍລິຫານໃນ​​ກຸ່ມບໍ ລິສັດ​ສີ​ເມືອງ​ກຼຸບ  ພ້ອມ​ທັງ​ຄະນະ​ທີ່​ປຶ​ກສາ​ດ້ານເສ​ດຖະກິດຈາກ​ປະ​ເທດ​ໄທ ​​ໂດຍ​ການເປັນຫົວໜ້າ​ທີ່​ປຶກສາ​ແມ່ນ​  ທ່ານ ດຣ ວິວັດ ກິດ​ຕິ​ພົງ​ໂກ​ສົນ ​ເຊິ່ງຈົບ​ກາ​ນສຶກສາລະ​ດັບ​ປະລິນຍາ​​ເອກມີ​ປະສົບ​ການ​ໃນ​ການ​ບໍລິຫານ​ງານ​ 40 ກວ່າ​ປີ,  ​ເຄີຍ​ເປັນ​ຮອງ ປະທານ​ການ​ຕະຫຼາດ ທະ​ນາຄາ​ນຊິ​ຕີ້​ແບັງ​ກຸງ​ເທບ ​ແລະ​ ຜູ້​ຊ່ວຍ​ຜູ້​ຈັດ​ການ​ໃຫຍ່ທະນາຄານ​ໄທ​ພາ​ນິດ ມະຫາ​ຊົນ​​ຈຳ​ກັດ.

          ທີ​ມຜູ້​ບໍລິຫານ​ຊຸດ​ໃໝ່ຂອງທະນາຄານຮ່ວມພັດທະນາ ປະກອບດ້ວຍ ທ່ານ ສູນທອນ ຈັນທະວົງ ​ເປັນ​ຜູ້​ອຳນວຍ​ການ​ໃຫຍ່​ ຊຶ່ງມີຄຸນນະວຸດລະດັບປະລິນ ຍາໂທ ແລະ ​ມີ​ປະສົບ​ການ​ໃນ​ການ​ບໍລິຫານທຸລະກິດໃນຂະແໜງການບໍລິຫານການເງິນ, ທີ່ປຶກສາບັນຊີ -ກວດສອບບັນຊີ, ທີ່ປຶກສາກົດໝາຍ ຫຼາຍ​ກວ່າ 20 ປີ ຊຶ່ງເປັນໜຶ່ງໃນຜູ້ບໍລິຫານເປັນທີ່ຍອມຮັບທັງພາຍໃນແລະຕ່າງປະເທດ ນອກ ຈາກນັ້ນ ຍັງມີຮອງ​ອຳນວຍ​ການ​ໄດ້​ແກ່ ທ່ານ ຄຳຮູ້ ທອງທະວີ, ທ່ານ ນາງ ພອນ​ສະ​ໄໝ ສຸຂະ​ຜົນ, ທ່ານ ບຸນ​ສະຫວ່າງ ພິລາ​ໄຊພິທັກ ເຊິ່ງມີຄຸນນະວຸດລະດັບປະລິນຍາໂທທັງໝົດ ແລະ ມີປະສົບການດ້ານການບໍລິຫານທະນາຄານຫຼາຍກວ່າ 20 ປີ. ​ທະນາຄານຮ່ວມພັດທະນາໃຫ້ການບໍລິການການເງິນແບບຄົບວົງຈອນ ພ້ອມ​ທັງ​ຍົກ​ລະດັບ​ການ​ບໍລິການ​ໃຫ້​ເປັນ​ທີ່​ຍອມຮັບ​ຂອງ​ສັງ​ຄົມ​ລາວ ​ແລະ ກ້າ​ວສູ່​ສາ ກົນ​ຢ່າງຮອບດ້ານ. ມາ​​ເຖິງ​ປະຈຸບັນ​ທະນາຄາ​ນ ຮ່ວມ​ພັດທະນາ ​ແມ່ນ​ໄດ້​ເປີດ​ໜ່ວຍບໍລິການເກືອບທົ່ວປະ ເທດ ເພື່ອ​ໃຫ້​ການບໍລິການດ້ານການເງິນ​ຢ່າງຮອບ ດ້ານ​ດ້ວຍ​ບໍລິການ​ທີ່​ຄົບ​ຖ້ວນ  ​ແລະ​ ຫຼາກ​ຫຼາຍເຊັ່ນບໍລິການ​ເງິນຝາກ​ທີ່​ສາມາດ​ເປີດ​ໄດ້​ທັງ​ສະ​ກຸນ​ເງິນ​ກີບ, ບາດ ​ແລະ​ ​ໂດລາສະຫະລັດ ​ເຊິ່ງ ຄິ​ດ​ໄ​ລ່ອັ​ດຕາດ​ອກ​ເບ້ຍ​ໃຫ້​ແບບ​ລາຍ​ເດືອ​ນ. ບໍລິການ​ສິນ​ເຊື່​ອທີ່​ຄວບ​ຄຸມ ທຸກ​ຄວາມ​ຕ້ອງການ​ຂອງ​ລູກ​ຄ້າ​ໃນ​ຍຸກປະຈຸ​ບັນ​ພ້ອມ​ທັງ​ແນໃສ່​ເປົ້າ​ໝາ​ຍທີ່​ເປັນ​ທາງ​ເລືອກ​ໃຫ້​ແກ່​ຜູ້​ປະ ກອບ​ການ​ທຸລະກິດ​ຂະໜາດ​ໃຫຍ່ ຂະໜາດ​ກາງ ​ແລະ ຂະໜາດ​ ນ້ອຍ ສາມາດ ​ເຂົ້າສູ່​ແຫຼ່ງທຶນ​ທີ່​ໝັ້ນຄົງ, ບໍ​ລິການ​ແລກປ່ຽນ​ເງິນຕາພ້ອມ​ທັງ​ໂອນ​ພາຍ​ໃນ ​ແລະ ​​ແລະ​ຕ່າງປະ​ເທດ​ເຊິ່ງມີ​ທັງ​ແບບ​ທົ່ວ​ໄປ​ແບບ swift ທີ່​ສາມາດ​ໂອ​ນ​ໄປ​ທົ່ວ​ໂລກ ​ແລະ​ໂອນ​ເງິ​ນ​ແບບ​ລະຫັດ 8 ​ໂຕ​ເລກ MoneyGram, ບໍລິການ​ໜັງສື​ຄ້ຳປະ ກັນ ​ເພື່ອ​ຄວາມ​ໜ້າ​ເຊື່ອ​ຖືຂອງ​ທ່ານ​ໃນ​ການປະ​ກອບ​ທຸລະ​ກິດ ​ແລະ ​ເດີນທາງ​ໄປ​ຕ່າງປະ​ເທດບໍລິການ​ບັດ​ສາກົນ​ VISA , Debit visa ທີ່​ສາມາດ​ນຳ​ໃຊ້​ໄດ້​ທົ່ວ​ໂລກ ບໍລິການ​ເຄື່ອງຮູດບັດ EDC ທີ່​ເປັນລູກ​ຄ້າ​ທະນາຄານ ​ແລະ​ບັດ​​ເງິນສົດສາກົນສາມາດ​ຊື້​ສິນ​​ຄ້າ​ໄດ້​ສະດວກ​ສະບາຍ ​ໂດຍ​ບໍ່​ຕ້ອງ​ຈຳ​​ເປັນ​ຖື​ເງິນສົດບໍລິການ ATM ທີ່​ສາມາດ​ຖອນ​ຈາກ​ບັນຊີ​ທະນາຄາ​ນຮ່ວມ​ພັດທະນາ​ໄດ້​ຕະ​ຫຼອດ 24ຊົ່ວ​ໂມງບໍ​ລິ​ການບັນຊີ​ເງິ​ນ​ເດືອນ ​ສຳລັບ​ພາກ​ລັດ ​ແລະ ​ເອກະ​ຊົນ.

         

         ໃນ​ອານາ​ຄົດ​ອັນ​ໃກ້​ນີ້​ທະນາຄານ​ຮ່ວມ​ພັດທະນາ​ຈະ​ເພີ່​ມບໍລິການ​ໃໝ່​​ໃຫ້​ມີ​​ຄວາມ​ຫຼາກ​ຫຼາຍ​ຂື້ນ​ກວ່າ​ເກົ່າ​ທີ່​ຈະ​ເສີມສ້າງ​ເຕັກ​​ໂນ​ໂລ​ຊີທີ່​ຈະ​ພາ​ໃຫ້​ລູກ​ຄ້າ​ມີ​ຄວາມ​ຄ່ອງ​ຕົວ​ໃນ​ການ​ໃຊ້​ບໍລິການ​ທະນາຄານ​ຮ່ວມ​ພັ​ດທະນາ​ ເຊັ່ນ: ບັດ ATM ໜຶ່ງ​ບັດ​ສາມາດ​ຖອນ​ໄດ້ 4 ບັນ ຊີ, ການ​ຊຳລະ​ຄ່າ​ນ້ຳ​ປະປາ, ຄ່າ​ໄຟຟ້າ, ຄ່າ​ໂທລະ ສັບ ​ແລະຊື້​ບັດ​ເຕີມ​ເງິນ​​ໂດຍ​ຜ່າ​ນຕູ້ATM ພ້ອມ​ດຽວ​ກັນ​ນັ້ນ​ທະນາຄານຮ່ວມພັດທະ ນາ ຍັງນຳ​ໃຊ້​ລະບົບ E-Banking, I-Banking ໃນການໂອນເງິນ ແລະ ຊຳລະ ຄ່າສິນຄ້າ ​ເຊິ່ງປຽບ​ສະເໝືອນ​ມີ​ທະນາຄານ​ຢູ່​ກັບ​ທ່ານ 24 ຊົ່ວ​ໂມງ ​ເຊິ່ງທ່ານ​ສາມາດກວດກາ​ຄວາມ​​ເຄື່ອນ​ໄຫວ​ຂອງ​ບັນ​ຊີ,  ​ໂອນ​ເງິນພາຍ​ໃນ​ບັນຊີ ​ແລະຊຳລະ​ຄ່າ​ນ້ຳ​, ຄ່າໄຟຟ້າ, ຄ່າ​ໂທລະສັບ  ​ໂດຍ​ຜ່ານ​ມື​ຖື​ຂອງ​ທ່ານ.

ສຳນັກງານໃຫຍ່ ທະນາຄານຮ່ວມພັດທະນາ ຕັ້ງຢູ່ຖະໜົນ ລ້ານຊ້າງ ເລກທີ 82, ນະຄອນຫຼວງວຽງຈັນ, ສປປ ລາວ. ປະຈຸບັນທະນາ ຄານຮ່ວມພັດທະນາ ໄດ້ຂະ ຫຍາຍໜ່ວຍບໍລິການແລ້ວ 13 ໜ່ວຍ ເຊິ່ງຕັ້ງຢູ່ ທາດຫລວງ, ຫຼວງພະບາງ, ສີໄຄ, ວັງວຽງ, ປາກເຊ, ທ່າ ແຂກ, ສະຫວັນນະເຂດ, ປາກຊັນ, ຕົ້ນເຜີ້ງ(ບໍ່ແກ້ວ), ຫ້ວຍຊາຍ, ໄຊຍະບູລີ, ອຸດົມໄຊ, ຫຼວງນ້ຳທາ.
ໃນປີ 2014 ນີ້ ທະນາຄານໄດ້ຂະຫຍາຍໜ່ວຍບໍລິການໃໝ່ເພີ່ມອີກ ຄື: ແຂວງຫົວພັນ, ຊຽງຂວາງ, ລາວບາວ, ເຊໂນ, ດົງໂດກ, ຊ້າງຄູ້, ໜອງໜ້ຽວ…ແລະ ຈະກຳລັງຂະຫຍາຍເຄືອຂ່າຍໄປທາງພາກໃຕ້ຢ່າງບໍ່ຢຸດຢັ້ງ. ເຊິ່ງແນໃສ່ບໍລິການທີ່ເປັນ ເລີດຕອບສະຫນອງທັງພາຍ ໃນ ແລະ ຕ່າງປະເທດ ເປັນແຫລ່ງທຶນທີ່ໝັ້ນຄົງ ໃນການລົງທຶນທຸລະກິດ ໂດຍການບໍລິການຈາກ ບຸກຄະລາກອນທີ່ມີຄວາມຊ່ຽວຊານ ສະເພາະດ້ານເນັ້ນການບໍລິ ການທີ່ເປັນມິຕິໃໝ່ ໃນ ສ.ປ.ປ.ລາວ ທີ່ໃສ່ໃຈທຸກລາຍລະອຽດ ຕ້ອນຮັບທຸກລະດັບດ້ວຍພະນັກງານຄຸນນະ ພາບທີ່ ຮັກໃນວຽກງານບໍລິການ.  ເມື່ອທຸກທ່ານເຂົ້າ ມານຳໃຊ້ ບໍລິການທະນາຄານຮ່ວມພັດທະນາຈະໄດ້ຮັບຄວາມໝັ້ນໃຈ ແລະ ປະທັບ ໃຈໃນບໍລິການຂອງພວກເຮົາ.

“ທະນາຄານຮ່ວມພັດທະນາ  ພັດທະນາສູ່ຄວາມສຳເລັດທີ່ໝັ້ນຄົງ”