ທະນາຄານ ຮ່ວມ​ພັດທ​ະນາ​ ​

​ເປີດ​ໜ່ວຍ​ບໍລິການ​ໄຊຍະບູລີ ແຂວງໄຊຍະບູລີ ຢ່າງ​ເປັນ​ທາງ​ການ

ວັນ​ທີ 26 ກັນຍາ 2014

            ​ທະນາຄານ ຮ່ວມ​ພັດທະນາ ( JDB ) ​ໄດ້​ເປີດ​ໜ່ວຍ​ບໍລິການ​ອີກ​ແຫ່ງ​ໜຶ່ງ​ທີ່​ ບ້ານ ​ສີມຸງຄຸນ ​ເມືອງ​ ໄຊຍະບູລີ  ​ແຂວງ ໄຊຍະບູລີ  ​ ​​ໃນ​ວັນ​ທີ 26/9/2014 . ​ການ​​ເປີດ​ໜ່ວຍ​ບໍລິການ​ໃໝ່ ​ແມ່ນໜຶ່ງ​ໃນ​ແຜ​ນຕໍ່​ຍອດ ການ​ບໍລິການ​​ໃຫ້​ເຂົ້າ​ເຖິງລູກ​ຄ້າ​ຫຼາຍຂື້ນ ​ໂດຍ​ເນັ້ນກາ​ນພັດທະນາ​ລະ​ບົບການ​ບໍລິການ​ຢ່າງ​ຕໍ່​ເນື່ອງ ​ເພື່ອ​ສ້າງ​ຄວາມ​ສະດວກ, ​ຖືກຕ້ອງ , ວ່ອງ​ໄວ, ມີປະສິດທິພາບ  ​ແລະ ມີ​ຄວາມ​​ໂປ່​ງ​ໃສ ​.

            ​ໂອກາດ​ເປີດ​ໜ່ວຍ​ບໍລິການ​ໄຊຍະບູລີ​ເມື່ອ​ວັນ​ທີ 26 ກັນຍາ 2014 ນີ້. ​​ໂດຍ​ການ​ເຂົ້າ​ຮ່ວມ​ຂອງ​ ທ່ານ  ນາງ ບຸນພັກ ອິນທະປັນຍາ ເລຂາພັກແຂວງທັງເປັນ ຫົວໜ້າພະແນກຖະແຫຼງຂ່າວ ວັດທະນາທຳ ແລະ ທ່ອງທ່ຽວ  ​ແລະ ຄະນະ​ຈາກ​ທະ​ນາ​ຄາ​ນ​ແຫ່ງ​ ສປປ ລາວ.  ທ່ານ ຄຳຮູ້ ທອງທະວີ ຮອງຜູ້ອຳນວຍການ ທະນາຄານ ຮ່ວມ​ພັດທະນາ ​ຂື້ນ​ກ່າວ​ເປີດ​ງານ​ຢ່າງ​ເປັນ​ທາງ​ການ ໂດຍ​​ໄດ້​ກ່າວ​ວ່າ : ການ​​ເປີດ​ໜ່ວຍ​ບໍລິ​ການ​ຂອງ​ທະນາຄານ ​ໃນ​ໄລຍະ​ທີ່​ຜ່ານ​ມາ​ນັ້ນ ນັບ​ວ່າ​ປະສົບ​ຜົນສຳ​ເລັດ​ເປັນ​ຢ່າງ​ຍິ່ງ ທີ່​ໄດ້​ຮັບ​ການ​ຊ່ວຍ​ເຫຼືອ​ຈາກ​ພາກ​ລັດ , ​ເອກະ​ຊົນ ​ແລະ ​ໄດ້​ຮັບ​ຄວາມ​ເຊື່ອ​ໝັ້ນ​ຈາກ​ລູກ​ຄ້າ​ດ້ວຍ​ດີ​ຕະຫຼອດ​ມາ , ການ​ເປີດ​ໜ່ວຍບໍລິ​ການ​ທີ່ໄຊຍະບູລີ​ໃນ​ຄັ້ງ​ນີ້ ກໍ່​ແມ່ນ​ແຜນການຕໍ່​ຍອດ​ບໍລິ​ການ​ໃຫ້​ເຂົ້າ​ເຖິງ​ລູກ​ຄ້າ​ໃຫ້ຫຼາຍ​ຂື້ນ .   ​

            ​ໃນ​ອານາ​ຄົດ​ອັນ​ໃກ້​ນີ້​ ທະນາຄານ​ຮ່ວມ​ພັດທະນາ​ຈະ​ເພີ່​ມບໍລິການ​ໃໝ່​​ໃຫ້​ມີ​​ຄວາມ​ຫຼາກ​ຫຼາຍ​ຂື້ນ​ ກວ່າ​ເກົ່າ​ທີ່​ຈະ​ເສີມສ້າງ​ເຕັກ​​ໂນ​ໂລ​ຊີທີ່​ຈະ​ພາ​ໃຫ້​ລູກ​ຄ້າ​ມີ​ຄວາມ​ ຄ່ອງ​ຕົວ​ໃນ​ການ​ໃຊ້​ບໍລິການ​ທະນາຄານ​ຮ່ວມ​ພັ​ດທະນາ​ເຊັ່ນ:ບັດ ATM ໜຶ່ງ​ບັດ​ສາມາດ​ຖອນ​ໄດ້ 4 ບັນຊີ, ການ​ຊຳລະ​ຄ່າ​ນ້ຳ​ປະປາ, ຄ່າ​ໄຟຟ້າ, ຄ່າ​ໂທລະສັບ ​ແລະຊື້​ບັດ​ເຕີມ​ເງິນໂທລະສັບ ໂດຍ​ຜ່າ​ນຕູ້ATM ພ້ອມ​ດຽວ​ກັນ​ນັ້ນ​ທະນາຄານຮ່ວມພັດທະນາ ຍັງນຳ​ໃຊ້​ລະບົບ E-Banking, I-Banking ໃນການໂອນເງິນແລະ ຊຳລະຄ່າສິນຄ້າ ແລະ ການບໍລິການ ​ເຊິ່ງປຽບ​ສະເໝືອນ​ມີ​ທະນາຄານ​ຢູ່​ກັບ​ທ່ານຕະຫຼອດ 24 ຊົ່ວ​ໂມງ. ພ້ອມກັນນັ້ນ ​ທ່ານ​ສາມາດກວດກາ​ການເຄື່ອນ​ໄຫວ​ຂອງ​ບັນ​ຊີ,  ​ໂອນ​ເງິນພາຍ​ໃນ​ບັນຊີ ​ແລະຊຳລະ​ຄ່າ​ນ້ຳ​, ຄ່າໄຟຟ້າ,ຄ່າ​ໂທລະສັບ  ​ໂດຍ​ຜ່ານ​ມື​ຖື​ຂອງ​ທ່ານ.



​ສຳນັກງານໃຫຍ່ ທະນາຄານຮ່ວມພັດທະນາ ຕັ້ງຢູ່ຖະໜົນ ລ້ານຊ້າງ ເລກທີ 82, ນະຄອນຫຼວງວຽງຈັນ, ສປປ ລາວ. ປະຈຸບັນທະນາຄານຮ່ວມພັດທະນາ ໄດ້ຂະຫຍາຍໜ່ວຍບໍລິການແລ້ວ 13 ໜ່ວຍ ເຊິ່ງຕັ້ງຢູ່ ທາດຫລວງ, ຫຼວງພະບາງ, ສີໄຄ, ວັງວຽງ, ປາກເຊ, ທ່າແຂກ, ສະຫວັນນະເຂດ, ປາກຊັນ, ຕົ້ນເຜີ້ງ(ບໍ່ແກ້ວ), ຫ້ວຍຊາຍ, ໄຊຍະບູລີ, ອຸດົມໄຊ, ຫຼວງນ້ຳທາ. ໃນທ້າຍ 2014 ນີ້ທະນາຄານໄດ້ເປີດໜ່ວຍບໍລິການຢ່າງເປັນທາງການເພີ່ມອີກຄື: ຊຳເໜືອ, ຊຽງຂວາງ, ລາວບາວ, ເຊໂນ, ດົງໂດກ, ຊ້າງຄູ້, ໜອງໜ້ຽວ…ແລະ  ກຳລັງຂະຫຍາຍໜ່ວຍບໍລິການພາກໄຕ້ໃນໄວໆນີ້ ເຊັ່ນ: ສາລະວັນ , ອັດຕະປື , ເຊກອງ ແລະ ບັນດາຕົວເມືອງໃຫຍ່ຕື່ມອີກໃນຂອບເຂດທົ່ວປະເທດ. ເຊິ່ງແນໃສ່ບໍລິການທີ່ເປັນເລີດຕອບສະຫນອງການບໍລິການການເງິນໃຫ້ນັກທຸລະກິດທັງພາຍໃນ ແລະ ຕ່າງປະເທດ ແຫລ່ງທຶນທີ່ໝັ້ນຄົງ ໃນການດຳເນີນທຸລະກິດ ໂດຍການບໍລິການຈາກບຸກຄະລາກອນທີ່ມີຄວາມຊ່ຽວຊານສະເພາະດ້ານເນັ້ນການບໍລິການທີ່ເປັນມິຕິໃໝ່ ໃນ ສ.ປ.ປ.ລາວທີ່ໃສ່ໃຈທຸກລາຍລະອຽດ ຕ້ອນຮັບລູກຄ້າທຸກລະດັບດ້ວຍພະນັກງານຄຸນນະພາບທີ່ຮັກໃນວຽກງານບໍລິການ.  ເມື່ອທຸກທ່ານເຂົ້າມານຳໃຊ້ ບໍລິການທະນາຄານຮ່ວມພັດທະນາຈະໄດ້ຮັບຄວາມໝັ້ນໃຈ ແລະ ປະທັບໃຈໃນບໍລິການຂອງພວກເຮົາ.

            ​ໃນ​ຄ່ຳ​ຄືນ ວັນ​ທີ 26 ກັນຍາ 2014 ທະນາຄານ ຮ່ວມ​ພັດທະນາ​​ ​​​ໄດ້​ຈັດງານ​ລ້ຽງ​ພິທີ​ເປີດ​ໜ່ວຍ​ບໍລິການ​ໄຊຍະບູລີ ຢ່າງ​ເປັນ​ທາງ​ການ.  ​ເພື່ອ​ເປັນ​ການ​ມອບ​ໂຊກ​ ໃຫ້​ລູ​ກຄ້າ ​ ລວມມູນ​ຄ່າ​ 32,400,000 ກີບ.   ​ເຊິ່ງຜູ້​​ໂຊກ​ດີທີ່ ​ໄ​ດ້ຮັບ​ລາງວັນທີ 1  ບັນຊີ​ເງິນ​ຝາກ 10,000,000 ກີບ ​ໄ​​ດ້​ແກ່ ນາງ ອຸບົນລັດ ພອນໄຊ  ​ແລະ ລາງວັນ​ທີ 2   ບັນຊີ​ເງິນ​ຝາກ 5,000,000 ກີບ ໄ​​ດ້​ແກ່ ນາງ ມະນີວອນ ສົມພອນ ແລະ ນາງ ແສງອາລຸນ ກ໋ອງ  ນອກຈາກ​ນັ້ນຍັງມີ ລາງວັນບັນ​ຊີ​ເງິນ​ຝາກ​ມຸນ​ຄ່າ  1,000,0000 ກີບ 10 ລາງວັນ ​ແລະ ລາງວັນ​ບັດATM ມູນຄ່າ 800,000 ກີບ 3ລາງວັນ  ໃຫ້ແກ່ລູກຄ້າ.  ທະນາຄານ ຮ່ວມ​ພັດທະນາ ​ມີ​ແຜນ​ສືບ​ຕໍ່​ໃນ​ການຈະ​ເປີດ​ໜ່ວຍ​ທາງ​ພາກ​ເໜືອ​ຕື່​ມອີກ​ໄວໆນີ້ ເຊັ່ນ: ​, ໜ່ວຍ​ບໍລິການ ຫ້ວຍ​ຊາຍ , ໜ່ວຍ​ບໍລິການ ອຸດົມ​ໄຊ ໜ່ວຍບໍລິການ ຫຼວງນ້ຳທາ,ໜ່ວຍບໍລິການ ຊຳເໜືອ ແລະ ໜ່ວຍບໍລິການ ຊຽງຂວາງ.