ທະນາຄານ ຮ່ວມ​ພັດທ​ະນາ​ ​( JDB) ໄດ້ເປີດ​ໜ່ວຍ​ບໍລິການ ອຸດົມໄຊ ຢ່າງ​ເປັນ​ທາງ​ການ ວັນ​ທີ 31 ຕຸລາ 2014

          “ ການເປີດໜ່ວຍບໍລິການໃໝ່ ແມ່ນໜື່ງໃນແຜນຕໍ່ຍອດການບໍລິການໃຫ້ເຂົ້າເຖິງ ລູກຄ້າຫຼາຍຂື້ນ ໂດຍເນັ້ນການພັດທະນາລະບົບການບໍລິການຢ່າງຕໍ່ເນື່ອງ ພ້ອມນັ້ນທະນາຄານຍັງກຽມນຳຫຼາກຫຼາຍ ບໍລິການ ທີ່ດີໃຫ້ແກ່ລູກຄ້າ

            ອີກໜື່ງບາດກ້າວການຂະຫຍາຍຕົວຂອງທະນາຄານ ຮ່ວມພັດທະນາ ​( JDB) ພາຍຫຼັງທີ່ໄດ້ເປີດໜ່ວຍບໍລິ ການທີ່ແຂວງ ໄຊຍະບູລີ ໃນເດືອນກັນຍາທີ່ຜ່ານມາ ມາຮອດທ້າຍເດືອນຕຸລາ ກໍ່ໄດ້ເປີດອີກໜ່ວຍບໍລິການ ທີ່ແຂວງ ອຸດົມໄຊ  ພ້ອມນັ້ນຍັງໄດ້ມີແຜນເພີ່ມໜ່ວຍບໍລິການອີກທັງພາກເໜືອ ແລະ ພາກໃຕ້ໃນໄວໆນີ້ ເພື່ຶອໃຫ້ລູກຄ້າສາມາດເຂົ້າເຖິງການບໍລິການທີ່ສະດວງວ່ອງໄວ.

 

​    ​ການ​​ເປີດ​ໜ່ວຍ​ບໍລິການ​ໃໝ່ ​ແມ່ນໜຶ່ງ​ໃນ​ແຜ​ນຕໍ່​ຍອດ ການ​ບໍລິການ​​ໃຫ້​ເຂົ້າ​ເຖິງລູກ​ຄ້າ​ຫຼາຍຂື້ນ ​ໂດຍ​ເນັ້ນກາ​ນພັດທະນາ​ລະ​ບົບການ​ບໍລິການ​ຢ່າງ​ຕໍ່​ເນື່ອງ ​ເພື່ອ​ສ້າງ​ຄວາມ​ສະດວກ, ​ຖືກຕ້ອງ , ວ່ອງ​ໄວ, ມີປະສິດທິພາບ  ​ແລະ ມີ​ຄວາມ​​ໂປ່​ງ​ໃສ ​.

         

     ​ໂອກາດ​ເປີດ​ໜ່ວຍ​ບໍລິການອຸດົມໄຊ​ເມື່ອ​ວັນ​ທີ 31 ຕຸລາ 2014 ນີ້. ​​ໂດຍ​ການ​ເຂົ້າ​ຮ່ວມ​ຂອງ​ ທ່ານ ຄຳຫຼ້າ ລິ້ງນະສອນ ເລຂາພັກແຂວງ ເຈົ້າແຂວງ ແຂວງອຸດົມໄຊ ​ແລະ ຄະນະ​ຈາກ​ທະ​ນາ​ຄາ​ນ​ແຫ່ງ​ ສປປ ລາວ , ຄະນະປົກຄອງເມືອງໄຊ ,ນັກທຸລະກິດ ແລະ ຊາວຄ້າຂາຍກໍໄດ້ໃຫ້ກຽດເຂົ້າຮ່ວມ.  ທ່ານ ສູນທອນ  ຈັນທະວົງ ຜູ້ອຳນວຍການໃຫຍ່ ທະນາຄານ ຮ່ວມ​ພັດທະນາ ​ຂື້ນ​ກ່າວ​ເປີດ​ງານ​ຢ່າງ​ເປັນ​ທາງ​ການ ໂດຍ​​ໄດ້​ກ່າວ​ວ່າ : ການ​​ເປີດ​ໜ່ວຍ​ບໍລິ​ການ​ຂອງ​ທະນາຄານ ​ໃນ​ໄລຍະ​ທີ່​ຜ່ານ​ມາ​ນັ້ນ ນັບ​ວ່າ​ປະສົບ​ຜົນສຳ​ເລັດ​ເປັນ​ຢ່າງ​ຍິ່ງ ທີ່​ໄດ້​ຮັບ​ການ​ຊ່ວຍ​ເຫຼືອ​ ແລະ ໄວ້ວາງໃຈຈາກ​ພາກ​ລັດ , ​ເອກະ​ຊົນ ​ແລະ ​ໄດ້​ຮັບ​ຄວາມ​ເຊື່ອ​ໝັ້ນ​ຈາກ​ລູກ​ຄ້າ​ດ້ວຍ​ດີ​ຕະຫຼອດ​ມາ , ການ​ເປີດ​ໜ່ວຍບໍລິ​ການ​ທີ່ອຸດົມໄຊໃນ​ຄັ້ງ​ນີ້ ກໍ່​ແມ່ນ​ແຜນການຕໍ່​ຍອດ​ບໍລິ​ການ​ໃຫ້​ເຂົ້າ​ເຖິງ​ລູກ​ຄ້າ ແລະ ອຳນວຍຄວາມສະດວກສະບາຍ​ໃຫ້ລູກຄ້າຫຼາຍ​ຂື້ນ .   ​

 

            ​ໃນ​ອານາ​ຄົດ​ອັນ​ໃກ້​ນີ້​ ທະນາຄານ​ຮ່ວມ​ພັດທະນາ​ຈະ​ເພີ່​ມບໍລິການ​ໃໝ່​​ໃຫ້​ມີ​​ຄວາມ​ຫຼາກ​ຫຼາຍ​ຂື້ນ​ ກວ່າ​ເກົ່າ​ທີ່​ຈະ​ເສີມສ້າງ​ເຕັກ​​ໂນ​ໂລ​ຊີທີ່​ຈະ​ພາ​ໃຫ້​ລູກ​ຄ້າ​ມີ​ຄວາມ​ ຄ່ອງ​ຕົວ​ໃນ​ການ​ໃຊ້​ບໍລິການ​ທະນາຄານ​ຮ່ວມ​ພັ​ດທະນາ​ເຊັ່ນ:ບັດ ATM ໜຶ່ງ​ບັດ​ສາມາດ​ຖອນ​ໄດ້ 4 ບັນຊີ, ການ​ຊຳລະ​ຄ່າ​ນ້ຳ​ປະປາ, ຄ່າ​ໄຟຟ້າ, ຄ່າ​ໂທລະສັບ ​ແລະຊື້​ບັດ​ເຕີມ​ເງິນໂທລະສັບ ໂດຍ​ຜ່າ​ນຕູ້ATM ພ້ອມ​ດຽວ​ກັນ​ນັ້ນ​ທະນາຄານຮ່ວມພັດທະນາ ຍັງນຳ​ໃຊ້​ລະບົບ E-Banking, I-Banking ໃນການໂອນເງິນແລະ ຊຳລະຄ່າສິນຄ້າ ແລະ ການບໍລິການ ​ເຊິ່ງປຽບ​ສະເໝືອນ​ມີ​ທະນາຄານ​ຢູ່​ກັບ​ທ່ານຕະຫຼອດ 24 ຊົ່ວ​ໂມງ. ພ້ອມກັນນັ້ນ ​ທ່ານ​ສາມາດກວດກາ​ການເຄື່ອນ​ໄຫວ​ຂອງ​ບັນ​ຊີ,  ​ໂອນ​ເງິນພາຍ​ໃນ​ບັນຊີ ​ແລະຊຳລະ​ຄ່າ​ນ້ຳ​, ຄ່າໄຟຟ້າ,ຄ່າ​ໂທລະສັບ  ​ໂດຍ​ຜ່ານ​ມື​ຖື​ຂອງ​ທ່ານ ແລະ ການບໍລິການ ຖອນເງິນສົດຈາກຕູ້ ATM ຂອງທະນາຄານ ອື່ນ ກໍສາມາດດຳເນີນການໄດ້ໃນໄວໆນີ້ .

            ​ສຳນັກງານໃຫຍ່ ທະນາຄານຮ່ວມພັດທະນາ ຕັ້ງຢູ່ຖະໜົນ ລ້ານຊ້າງ ເລກທີ 82, ນະຄອນຫຼວງວຽງຈັນ, ສປປ ລາວ. ປະຈຸບັນທະນາຄານຮ່ວມພັດທະນາ ໄດ້ຂະຫຍາຍໜ່ວຍບໍລິການແລ້ວ 17 ໜ່ວຍ ເຊິ່ງຕັ້ງຢູ່ ທາດຫລວງ, ຫຼວງພະບາງ, ສີໄຄ, ວັງວຽງ, ປາກເຊ, ທ່າແຂກ, ສະຫວັນນະເຂດ, ປາກຊັນ, ຕົ້ນເຜີ້ງ(ບໍ່ແກ້ວ), ຫ້ວຍຊາຍ, ໄຊຍະບູລີ, ອຸດົມໄຊ, ຫຼວງນ້ຳທາ,ເຊໂນ, ລາວບາວ, ບູດ ສະຫວັນເວກັດ . ໃນທ້າຍ 2014 ນີ້ທະນາຄານໄດ້ເປີດໜ່ວຍບໍລິການຢ່າງເປັນທາງການເພີ່ມອີກຄື: ຊຳເໜືອ, ຊຽງຂວາງ, ດົງໂດກ, ຊ້າງຄູ້, ໜອງໜ້ຽວ…ແລະ  ກຳລັງຂະຫຍາຍໜ່ວຍບໍລິການພາກໄຕ້ໃນໄວໆນີ້ ເຊັ່ນ: ສາລະວັນ , ອັດຕະປື , ເຊກອງ ແລະ ບັນດາຕົວເມືອງໃຫຍ່ຕື່ມອີກໃນຂອບເຂດທົ່ວປະເທດ. ເຊິ່ງແນໃສ່ບໍລິການທີ່ເປັນເລີດຕອບສະຫນອງການບໍລິການການເງິນໃຫ້ນັກທຸລະກິດທັງພາຍໃນ ແລະ ຕ່າງປະເທດ ແຫລ່ງທຶນທີ່ໝັ້ນຄົງ ໃນການດຳເນີນທຸລະກິດ ໂດຍການບໍລິການຈາກບຸກຄະລາກອນທີ່ມີຄວາມຊ່ຽວຊານສະເພາະດ້ານເນັ້ນການບໍລິການທີ່ເປັນມິຕິໃໝ່ ໃນ ສ.ປ.ປ.ລາວທີ່ໃສ່ໃຈທຸກລາຍລະອຽດ ຕ້ອນຮັບລູກຄ້າທຸກລະດັບດ້ວຍພະນັກງານຄຸນນະພາບທີ່ຮັກໃນວຽກງານບໍລິການ. 

​ໃນ​ຄ່ຳ​ຄືນ ວັນ​ທີ 31 ຕຸລາ 2014 ທະນາຄານ ຮ່ວມ​ພັດທະນາ​​ ​​​ໄດ້​ຈັດງານ​ລ້ຽງ​ພິທີ​ເປີດ​ໜ່ວຍ​ບໍລິການ​ອູດົມໄຊ  ຢ່າງ​ເປັນ​ທາງ​ການ.  ​ເພື່ອ​ເປັນ​ການ​ມອບ​ໂຊກ​ ໃຫ້​ລູ​ກຄ້າ ​ ລວມມູນ​ຄ່າ​ 53,000,000 ກີບ.   ​ເຊິ່ງຜູ້​​ໂຊກ​ດີທີ່ ​ໄ​ດ້ຮັບ​ລາງວັນທີ 1  ບັນຊີ​ເງິນ​ຝາກ 20,000,000 ກີບ ​ໄ​​ດ້​ແກ່ ນາງ ຄຳແພງ ​ແລະ ລາງວັນ​ທີ 2   ບັນຊີ​ເງິນ​ຝາກ 10,000,000 ກີບ ໄ​​ດ້​ແກ່ ນາງ ອະນຸລັກ ຊັງເຊີງ ແລະ ທ້າວ ໄພສານແກ້ວ  ນອກຈາກ​ນັ້ນຍັງມີ ລາງວັນບັນ​ຊີ​ເງິນ​ຝາກ​ມູນ​ຄ່າ  2,000,0000 ກີບ 5 ລາງວັນ ​ແລະ ລາງວັນ​ບັດATM ມູນຄ່າ 1,000,000 ກີບ 3ລາງວັນ  ໃຫ້ແກ່ລູກຄ້າ.  ທະນາຄານ ຮ່ວມ​ພັດທະນາ ​ມີ​ແຜນ​ສືບ​ຕໍ່​ໃນ​ການຈະ​ເປີດ​ໜ່ວຍ​ຢ່າງເປັນທາງການ ທາງ​ພາກ​ເໜືອ​ຕື່​ມອີກ​ໄວໆນີ້ ເຊັ່ນ: ​, ໜ່ວຍ​ບໍລິການ ຫ້ວຍ​ຊາຍ ,  ໜ່ວຍບໍລິການ  ຫຼວງນ້ໍາທາ,ໜ່ວຍບໍລິການ ຊຳເໜືອ ແລະ ໜ່ວຍບໍລິການ ຊຽງຂວາງ.

 

                             “  ທະນາຄານ ຮ່ວມພັດທະນາ  ພັດທະນາ ສູ່ຄວາມສຳເລັດທີ່ໝັ້ນຄົງ”