ທະນາຄານ ຮ່ວມພັດທະນາ ( JDB) ໄດ້ເປີດໜ່ວຍບໍລິການຢ່າງເປັນທາງການ ໜ່ວຍບໍລິການ ຫ້ວຍຊາຍ ແຂວງ ບໍ່ແກ້ວ ແລະ ໜ່ວຍບໍລິການ ເມືອງ ຫຼວງນ້ໍາທາ ແຂວງ ຫຼວງນ້ຳທາ. “ ການເປີດໜ່ວຍບໍລິການໃໝ່

ໃນສອງແຂວງນີ້ແມ່ນປະຕິບັດແຜນຂະຫຍາຍເຄືອຂ່າຍແມ່ນໃຫ້ເຂົ້າເຖິງລູກຄ້າໃຫ້ກວ້າງຂວາງຂື້ນພ້ອມທັງໃຫ້ລູກຄ້າມີທາງເລືອກຫຼາຍຂື້ນ. ອີກໜື່ງບາດກ້າວການຂະຫຍາຍໜ່ວຍບໍລິການຂອງທະນາຄານ ຮ່ວມພັດທະນາ ( JDB) ພາຍຫຼັງທີ່ໄດ້ເປີດໜ່ວຍບໍລິການທີ່ແຂວງ ອຸດົມໄຊ ເດືອນຕຸລາທີ່ຜ່ານມາ ມາຮອດທ້າຍເດືອນພະຈິກ ແລະ ຕົ້ນເດືອນທັນວານີ້ ກໍ່ໄດ້ເປີດອີກໜ່ວຍບໍລິການທີ່ແຂວງບໍ່ແກ້ວແລະແຂວງຫຼວງນ້ຳທາ ພ້ອມນັ້ນຍັງດຳເນີການຂະຫຍາຍ ບໍລິການອີກ ທັງພາກເໜືອ ແລະ ພາກໃຕ້ຢ່າງບໍ່ຢຸດຢັ້ງ ເພື່ຶອໃຫ້ລູກຄ້າສາມາດເຂົ້າເຖິງການບໍລິການທີ່ສະດວງວ່ອງໄວ. ການເປີດໜ່ວຍບໍລິການໃໝ່ ແມ່ນໜຶ່ງໃນແຜນຕໍ່ຍອດ ການຂະຫຍາຍເຄືອຂ່າຍໃນບໍລິການໃຫ້ເຂົ້າເຖິງລູກຄ້າຫຼາຍຂື້ນ

ໂດຍເນັ້ນການພັດທະນາລະບົບການບໍລິການຢ່າງຕໍ່ເນື່ອງ ເພື່ອສ້າງຄວາມສະດວກ, ຖືກຕ້ອງ , ວ່ອງໄວ, ມີປະສິດທິພາບ ແລະ ມີຄວາມໂປ່ງໃສ . ໂອກາດເປີດໜ່ວຍບໍລິການຫ້ວຍຊາຍເມື່ອວັນທີ 28 ພະຈິກ 2014 ນີ້. ໂດຍການເຂົ້າຮ່ວມຂອງ ທ່ານ ຄຳໝັ້ນ ສູນວິເລີດ ເລຂາພັກແຂວງ ເຈົ້າແຂວງແຂວງ ບໍ່ແກ້ວ ແລະ ຄະນະຈາກທະນາຄານແຫ່ງ ສປປ ລາວ , ຄະນະປົກຄອງເມືອງໄຊ ,ນັກທຸລະກິດ ແລະ ຊາວຄ້າຂາຍກໍໄດ້ໃຫ້ກຽດເຂົ້າຮ່ວມ ແລະ ພີທີເປີດໜ່ວຍບໍລິການ ຫຼວງນ້ຳທາ ໂດຍການເຂົ້າຮ່ວມຂອງ ທ່ານ ພັນທອງ ພິດທຸມມາ ຮອງເລຂາພັກແຂວງ ຮອງເຈົ້າແຂວງ ແຂວງຫຼວງນ້ຳທາ . ທ່ານ ສູນທອນ ຈັນທະວົງ ຜູ້ອຳນວຍການໃຫຍ່ ທະນາຄານ ຮ່ວມພັດທະນາ ຂື້ນກ່າວເປີດງານຢ່າງເປັນທາງການ ໂດຍໄດ້ກ່າວວ່າ : ການເປີດໜ່ວຍບໍລິການຂອງທະນາຄານ ໃນໄລຍະທີ່ຜ່ານມານັ້ນ ນັບວ່າປະສົບຜົນສຳເລັດເປັນຢ່າງຍິ່ງ ທີ່ໄດ້ຮັບການຊ່ວຍເຫຼືອ ແລະ ໄວ້ວາງໃຈຈາກພາກລັດ , ເອກະຊົນ ແລະ ໄດ້ຮັບຄວາມເຊື່ອໝັ້ນຈາກລູກຄ້າດ້ວຍດີຕະຫຼອດມາ , ການເປີດໜ່ວຍບໍລິການທີ່ແຂວງບໍ່ແກ້ວ ແລະ ແຂວງຫຼວງນ້ຳທາ ໃນຄັ້ງນີ້ ກໍ່ແມ່ນແຜນການຕໍ່ຍອດບໍລິການໃຫ້ເຂົ້າເຖິງລູກຄ້າ ແລະ

ອຳນວຍຄວາມສະດວກສະບາຍໃຫ້ລູກຄ້າທີ່ຢູ່ແຂວງດັ່ງກ່າວໃຫ້ຫຼາຍຂື້ນ.ໃນໂອກາດເປີດໜ່ວຍບໍລິການສອງແຫ່ງນີ້, ທະນາຄານ ຮ່ວມພັດທະນາຍັງປະກອບສ່ວນອຸປະຖຳ ໂຄງການແກ້ໄຂຄວາມທຸກ ຍາກແກ່ ເດັກຊົນເຜົ່າທີ່ທຸກຈົນ ແລະ ຫ່າງໄກສອກຫຼີກ ທີ່ແຂວງບໍ່ແກ້ວ ມູນຄ່າ 50,000,000 ກີບ ແລະປະກອບສ່ວນຊ່ວຍວຽກງານ ສາມສ້າງ ທີ່ແຂວງຫຼວງນ້ຳທາ ມູນຄ່າ 50,000,000 ກີບ ໃຫ້ກຽດຂື້່ນມອບໂດຍ ທ່ານ ເອກະພັນ ພະພິທັກ ປະທານ ສະພາບໍລິຫານທະນາຄານ ຮ່ວມພັດທະນາ ແລະ ເປັນກຽດຂື້ນຮັບແມ່ນທ່ານເຈົ້າແຂວງແລະ ຮອງເຈົ້າແຂວງທັງສອງແຂວງດັ່ງກ່າວ. ສຳນັກງານໃຫຍ່ ທະນາຄານຮ່ວມພັດທະນາ ຕັ້ງຢູ່ຖະໜົນ ລ້ານຊ້າງ ເລກທີ 82, ນະຄອນຫຼວງວຽງຈັນ, ສປປ ລາວ. ປະຈຸບັນທະນາຄານຮ່ວມພັດທະນາ ໄດ້ຂະຫຍາຍໜ່ວຍບໍລິການແລ້ວ 17 ໜ່ວຍ ເຊິ່ງຕັ້ງຢູ່ ທາດຫລວງ, ຫຼວງພະບາງ, ສີໄຄ, ວັງວຽງ, ປາກເຊ, ທ່າແຂກ, ສະຫວັນນະເຂດ, ປາກຊັນ, ຕົ້ນເຜີ້ງ(ບໍ່ແກ້ວ), ຫ້ວຍຊາຍ, ໄຊຍະບູລີ, ອຸດົມໄຊ,ຫຼວງນ້ຳທາ,ເຊໂນ, ລາວບາວ, ບູດ ສະຫວັນເວກັດ ,. ຊຳເໜືອ, ຊຽງຂວາງ, ດົງໂດກ, ຊ້າງຄູ້, ໜອງໜ້ຽວ…ແລະ ກຳລັງກໍ່ສ້າງໜ່ວຍບໍລິການຢູ່: ສາລະວັນ,ອັດຕະປື,ເຊກອງແລະບັນດາຕົວເມືອງໃຫຍ່ ຕື່ມອີກໃນຂອບເຂດທົ່ວປະເທດ .ເຊິ່ງແນໃສ່ບໍລິການທີ່ເປັນເລີດ ຕອບສະຫນອງແຫຼ່ງທືນທີ່ໝັ້ນຄົງ ໃຫ້ປະຊາຊົນ,ນັກທຸລະກິດທັງພາຍໃນ ແລະຕ່າງປະເທດ ໃນການດຳເນີນທຸລະກິດໂດຍການບໍລິການຈາກບຸກຄະລາກອນທີ່ມີຄວາມຊ່ຽວຊານ ສະເພາະດ້ານເນັ້ນການບໍລິການ ທີ່ເປັນມິຕິໃໝ່ໃນສ.ປ.ປ.ລາວທີ່ໃສ່ໃຈທຸກລາຍລະອຽດຕ້ອນຮັບລູກຄ້າທຸກລະດັບດ້ວຍ ພະນັກງານຄຸນນະພາບ ທີ່ຮັກໃນວຽກງານບໍລິການ.

ໃນຄ່ຳຄືນ ວັນທີ 28 ພະຈິກ 2014 ທະນາຄານ ຮ່ວມພັດທະນາ ໄດ້ຈັດງານລ້ຽງພິທີເປີດໜ່ວຍບໍລິການ ຫ້ວຍຊາຍ ຢ່າງເປັນທາງການ. ເພື່ອເປັນການມອບໂຊກ ໃຫ້ລູກຄ້າ ລວມມູນຄ່າ 53,000,000 ກີບ. ເຊິ່ງຜູ້ໂຊກດີທີ່ ໄດ້ຮັບລາງວັນທີ 1 ບັນຊີເງິນຝາກ 20,000,000 ກີບ ໄດ້ແກ່ ນາງ ວຽງຄຳ ດາວທະວີແສງ ແລະ ລາງວັນທີ 2 ບັນຊີເງິນຝາກ 10,000,000 ກີບ ໄດ້ແກ່ ນາງ ອາລຸນແສງ ຍົນພະຈິດ ແລະ ທ້າວ ບຸນພອນ ອິນແກ້ວ ນອກຈາກນັ້ນຍັງມີ ລາງວັນບັນຊີເງິນຝາກມູນຄ່າ 2,000,0000 ກີບ 5 ລາງວັນ ແລະ ລາງວັນບັດATM ມູນຄ່າ 1,000,000 ກີບ 3ລາງວັນ ໃຫ້ແກ່ລູກຄ້າ ແລະ ໃນຄ່ຳຄືນ ວັນທີ 1 ທັນວາ 2014 ໄດ້ຈັດງານລ້ຽງພິທີເປີດໜ່ວຍບໍລິການ ຫຼວງນ້ໍາທາ ຢ່າງເປັນທາງການ. ພ້ອມທັງມອບໂຊກ ໃຫ້ລູກຄ້າ ລວມມູນຄ່າ 53,000,000 ກີບເຊັ່ນດຽວກັນ. ເຊິ່ງຜູ້ໂຊກດີທີ່ ໄດ້ຮັບລາງວັນທີ 1 ບັນຊີເງິນຝາກ 20,000,000 ກີບ ໄດ້ແກ່ ນາງ ຄຳເພັດ ພອນມີໄຊ , ລາງວັນທີ 2 ບັນຊີເງິນຝາກ 10,000,000 ກີບ ໄດ້ແກ່ ທ້າວ ເກດແກ້ວ ເມກສະຫວັນ ແລະ ທ້າວ ຈັນສຸດາ ແສນຄຳພອນ ນອກຈາກນັ້ນຍັງມີ ລາງວັນບັນຊີເງິນຝາກມູນຄ່າ 2,000,0000 ກີບ 5 ລາງວັນ ແລະ ລາງວັນບັດATM ມູນຄ່າ 1,000,000 ກີບ 3ລາງວັນ.

ທະນາຄານ ຮ່ວມພັດທະນາ ມີແຜນສືບຕໍ່ໃນການຈະເປີດໜ່ວຍຢ່າງເປັນທາງການ ທາງພາກເໜືອຕື່ມອີກໄວໆນີ້ ເຊັ່ນ: ໜ່ວຍບໍລິການ ຊຳເໜືອ ແລະ ໜ່ວຍບໍລິການ ຊຽງຂວາງໃນໄວໆນີ້ . ” ທະນາຄານ ຮ່ວມພັດທະນາ ພັດທະນາ ສູ່ຄວາມສຳເລັດທີ່ໝັ້ນຄົງ”