ໃນວັນທີ 09 ສິງຫາ 2013 ທະນາຄານ ຮ່ວມພັດທະນາ (ຄຮພ) ໂດຍ ທ່ານ ທອງຈະເລີນ ເຄນມິ່ງມົງຄົນ ຜູ້ອຳນວຍການໃຫຍ່ ໄດ້ເຂົ້າພົບ ທ່ານ ຄຳໃບ ດຳລັດ ເລຂາພັກແຂວງຄຳມ່ວນ , ເຈົ້້າແຂວງໆຄຳມ່ວນ ທີ່ຫ້ອງວ່າການປົກຄອງແຂວງ ເນື່ອງໃນໂອກາດ ທີ່ ທຮພ ໄດ້ເປີດໜ່ວຍບໍລິການໃໝ່ທີ່ ເມືອງ ທ່າແຂກ ແຂວງຄຳມ່ວນ ແລະ ໄດ້ມອບເງິນຊ່ວຍເຫຼືອ ຈຳນວນ 50.000.000 ກີບ ເພື່ອ ສະໜັບສະໜູນຊ່ວຍເຫຼືອໂຮງໝໍແຂວງຄຳມ່ວນ ເພືອປະກອບສ່ວນຈັດຊື້ເຄື່ອງມືອຸປະກອນການແພດ ທີ່ນຳໃຊ້ເຂົ້າໃນການປີ່ນປົວຄົນເຈັບທີ່ຕິດເຊື່ອພະຍາດໄຂ້ເລືອດອອກ.

      ໃນການຊ່ວຍເຫຼືອຄັ້ງນີ້ ທ່ານເຈົ້າແຂວງຄຳມ່ວນ ຍັງໄດ້ມອບໃບກຽດຕິຄຸນ ແລະ ກ່າວສະແດງຄຳຂອບໃຈ ທ່ານ ທອງຈະເລີນ ເຄນມິ່ງມົງຄົນ ທີ່ທ່ານໄດ້ເຫັນເຖິງຜົນກະທົບອັນຮ້າຍແຮງ ຈາກການແຜ່ລະບາດຂອງພະຍາດໄຂ້ເລືອດອອກ ເຊິ່ງເປັນໂລກລະບາດທີ່ເປັນໄພຮ້າຍແຮງຕໍ່ຊີວິດການເປັນຢູ່ ຂອງປະຊາຊົນ.