ທະນາຄານຮ່ວມພັດທະນາ (JDB) ໄດ້ເປີດຫນ່ວຍບໍລິການສະຫວັນນະເຂດຢ່າງເປັນທາງການຢູ່ທີ່ບ້ານຫົວເມືອງໃຕ້,ເມືອງໄກສອນພົມວິຫານແຂວງສະ
ຫວັນນະເຂດຖະຫນົນພົນໂຍທາຂຶ້ນເມື່ອວັນທີ 06 ທັນວາ 2013 ເຊິ່ງໃຫ້ກຽດເຂົ້າຮ່ວມຂອງທ່ານດຣສຸພັນແກ້ວມີໄຊເຈົ້າແຂວງສະຫວັນນະເຂດ, ທ່ານ
ດຣສອນໄຊສີພັນດອນເຈົ້າແຂວງຈຳປາສັກ, ທ່ານສອນໄຊສິດພະໄຊຮອງຜູ້ວ່າການທະ ນາຄານແຫ່ງສປປລາວ, ເຈົ້າເມືອງໄກສອນພົມວິຫານ, ທ່ານ
ເອກະພັນ ພະພິທັກປະທານສະພາບໍລິ ຫານທະນາຄານຮ່ວມພັດທະນາ, ຄະນະບໍລິຫານງານຂອງທະນາຄານ, ແຂກຖືກເຊີນແລະລູກຄ້າເຂົ້າຮ່ວມຢ່າງ
ຫລວງຫລາຍ.
  ໃນຕອນເຊົ້າເວລາ 7:00 ໂມງທະນາຄານຮ່ວມພັດທະນາໄດ້ມີພິທີທາງສາດສະຫນາຕັກບາດໂດຍມີພຣະສົງ 09 ອົງຢູ່ຫນວ່ຍບໍລິການສະຫວັນນະເຂດ.
ທ່ານທອງຈະເລີນເຄນມິ່ງມົງຄົນຜູ້ອຳນວຍການໃຫ່ຍທະນາຄານຮ່ວມພັດທະນາກ່າວວ່າພາຍ ຫລັງມີການມອບຮັບທຸລະກິດເປັນຂອງເອກະຊົນລາວ 100%
ຢ່າງເປັນທາງການເມື່ອວັນ ທີ 18 ຕຸລາ 2012 ຜ່ານມາ, ພາຍໃຕ້ການຊີ້ນຳຂອງທ່ານເອກະພັນພະພິທັກປະທານສະພາບໍລິຫານທະນາຄານຮ່ວມພັດທະນາ
ກໍ່ຄືເຈົ້າຂອງທຸລະກິດທ່ານໄດ້ສຸມໃສ່ທຸກກຳລັງເຫື່ອແຮງເພື່ອກໍ່ສ້າງທະນາຄານໃຫ້ເຕີບໃຫ່ຍຂະຫຍາຍຕົວທ່ານຍັງກ່າວອີກຕື່ມວ່າເພື່ອບໍລິການຮັບໃຊ້ທ່ານ, ພໍ່
ແມ່ພີ່ນ້ອປະຊາຊົນທີ່ຢູ່ທ້ອງຖິ່ນ, ພ້ອມກັບຮອງຮັບກັບການເຕີບ ໃຫ່ຍຂະຫຍາຍຕົວທາງດ້ານເສດຖະກິດຂອງແຂວງສະຫວັນນະເຂດທີ່ນັບມື້ນັບມີຄວາມເຂັ້ມ
ແຂວງຂຶ້ນຢ່າງບໍ່ຢຸດຢັ້ງເຊິ່ງປະຈຸບັນແຕ່ເຫນືອຮອດໃຕ້ທະນາຄານຮ່ວມພັດທະນາມີຫນ່ວຍບໍລິການທັງຫມົດຢູ່ 09 ແຫ່ງລວມທັງສຳນັກງານໃຫ່ຍແລະນອກ
ນີ້ຍັງພວມສືບຕໍ່ສ້າງຕັ້ງຂະຫຍາຍຫນ່ວຍບໍລິການຢູ່ 04 ແຂວງພາກເຫນືອເຊັ່ນ: ແຂວງໄຊຍະບູລີ,ແຂວງອຸດົມໄຊ, ແຂວງບໍ່ແກ້ວ, ແຂວງອຸດົມໄຊແລະແຂວງ
ຫລວງນ້ຳທາ. ໃນຕົ້ນປີ 2014 ມີແຜນທີ່ຈະຂະຫຍາຍໄປທຸກໆແຂວງໃນທົ່ວປະເທດແລະທະນາຄານຍັງມີລະບົບ ITທີ່ທັນສະໄຫມ ຊຶ່ງສາມາດໃຫ້ບໍລິການ
ໃນການກວດສອບການເຄື່ອນໄຫວຂອງບັນຊີ, ຊຳລະຄ່າໄຟຟ້າ, ນ້ຳປະປາ, ຄ່າໂທລະສັບໂດຍຜ່ານທາງໂທລະສັບມືຖືຊຶ່ງຮອງຮັບລະບົບຂອງ E-Banking
ຢ່າງເຕັມຮູບແບບໃນໄວໆນີ້.
     ສຳລັບການເປີດຫນ່ວຍບໍລິການສະຫວັນນະເຂດນັບວ່າເປັນອີກແຫ່ງຫນຶ່ງທາງພາກໃຕ້ທີ່ທາງທະນາຄານໄດ້ຂະຫຍາຍການບໍລິການອອກໄປທະນາ
ຄານເຫັນວ່າແຂວງສະຫວັນນະເຂດເປັນແຂວງທີ່ກວ້າງໃຫ່ຍ, ມີພົນລະເມືອງຫລວງຫລາຍກ່ວາທຸກແຂວງໃນທົ່ວປະເທດແລະເປັນທາງຜ່ານຍຸດທະສາດທີ່
ສຳຄັນທາງດ້ານເສດຖະກິດທີ່ສຳຄັນ, ສ້າງຄວາມສະດວກໃນການຂົນສົ່ງສິນຄ້າແລະທ່ອງທ່ຽວມີຊາຍແດນຈອດກັບບັນດາແຂວງແລະສອງປະເທດເພື່ອນບ້ານ
ຄືຫວຽດນາມແລະໄທ.

ໃນໂອກາດເປີດຫນ່ວຍບໍລິການສະຫວັນນະເຂດນີ້ທະນາຄານຮ່ວມພັດທະນາໄດ້ມີການແຈກລາງວັນໂຊກຊັ້ນທີ I ເພື່ອເປັນການຄືນກຳໄລໃຫ້ແກ່ລູກຄ້າທີ່ມາເປີດບັນຊີຢູ່ຫນ່ວຍບໍລິການ
ເປັນຈຳນວນ 100.000.000 ກີບປະກອບມີ 04 ລາງວັນດັ່ງນີ້:

  • ລາງວັນທີ 1 ບັນຊີເງິນຝາກ: 50.000.000 ກີບ

ຜູ້ໂຊກດີແມ່ນ: ທ່ານພູເງິນອິນສີຊຽງໃຫມ່

  • ລາງວັນທີ 2 ບັນຊີເງິນຝາກ: 20.000.000 ກີບ

ຜູ້ໂຊກດີແມ່ນ: ທ່ານນາງວັນສີ

  • ລາງວັນທີ 3 ບັນຊີເງິນຝາກ: 5.000.000 ກີບ (ຈຳນວນ 04 ລາງວັນ)
  1. ທ່ານພູໄຊຊະນະໄຊສົມບັດ

  2. ທ່ານຄຽງອູ່ສິດທິເດດ(ຈຳນວນ 02 ລາງວັນ)

  3. ທ່ານພຸດທະສອນຜາວິສຸກ


 

  • ລາງວັນທີ 3 ບັນຊີເງິນຝາກ: 1.000.000 ກີບ (ຈຳນວນ 10 ລາງວັນ)
  1. ທ່ານນາງແສງດາວວິສະລັດ

  2. Mr. PHETNUNYHAWONO

  3. ທ່ານນາງທິດາວັນພົມມະຈັກ

  4. ທ່ານຄຽງອູ່ສິດທິເດດ (ຈຳນວນ 02 ລາງວັນ)

  5. ທ່ານນາງສຸກສະຫມອນ

  6. ທ່ານສົມສັກພົນພັກດີ

  7. Ms.Huiyu ZHOU

  8. ທ່ານພູໄຊຊະນະໄຊສົມບັດ

  9. ທ່ານສີເຮືອນຫາມົນຕຼີ

ນອກຈາກນີ້ທາງທະນາຄານຍັງໄດ້ມີການແຈກລາງວັນບັດເຄຣດິດວົງເງິນ 500 USD ຈຳນວນ 05 ລາງວັນເຊິ່ງມີລາຍຊື່ຜູ້ໂຊກດີດັ່ງລຸ່ມນີ້:

  1. Mr. Vongchay SAYAKOUMMAN

  2. ທ່ານຫນູພອນສີຫາວົງ

  3. ທ່ານກອງພັນເທບພະວົງ

  4. ທ່ານນາງສຸກສະເຫວີຍແກ້ວປະເສີດ

  5. ທ່ານນວນຕາແກ້ວມະນີ