ວັນທີ 28 ມັງກອນ 2014 ຜ່ານມານີ້ ທະນາຄານຮ່ວມພັດທະນາໄດ້ມີພິທີມອບເຄື່ອງອຸປະໂພກແລະບໍລິໂພກມູນຄ່າ 50 ລ້ານກີບຢູ່ທີ່ກົມໃຫ່ຍເສນາທິການກອງທັບ
ກະຊວງປ້ອງກັນປະເທດເພື່ອມອບ ຕໍ່ໃຫ້ບັນດາອ້າຍເອື້ອຍນ້ອງທີ່ກຳລັງປະຕິບັດຫນ້າທີ່ຢູ່ເຂດຊາຍແດນຫ່າງໄກສອກຫລີກ.    

ໃຫ້ກຽດມອບເຄື່ອງດັ່ງກ່າວໂດຍທ່ານ ທອງຈະເລີນເຄນມິ່ງມົງຄົນອຳນວຍການໃຫ່ຍຂອງທະນາຄານຮ່ວມພັດທະນາແລະຮັບໂດຍທ່ານພົນຈັດຕະວາຈັນທອງສອນຕະ
ອາດຄະນະພັກກະຊວງປ້ອງກັນປະເທດຫົວຫນ້າກົມໃຫ່ຍເສນາທິການ. ເຄື່ອງອຸປະໂພກແລະບໍລິໂພກທີ່ນຳມາມອບປະກອບມີ: ຫມີ່ໄວໄວຈຳນວນ 300 ແກັດ, ປາ
ກະປ໋ອງຈຳນວນ 300 ແກັດ, ສະບູຝຸ່ນຈຳນວນ 300 ຖົງ, ນ້ຳປາຈຳນວນ 100 ແກັດ, ແປ້ງນົວຈຳນວນ 20 ຖົງແລະເກືອຈຳນວນ 200 ຖົງ.

      ໂອກາດນີ້ ທ່ານພົນຈັດຕະວາຈັນທອງສອນຕະອາດ ໄດ້ກ່າວສະແດງຄວາມຂອບອົກຂອບໃຈມາຍັງທະນາຄານຮ່ວມພັດທະນາທີ່ໄດ້ປະກອບສ່ວນຊຸກຍູ້ກຳລັງປ້ອງກັນ ປະເທດໂດຍສະເພາະແມ່ນເນື່ອງໃນໂອກາດວັນສ້າງຕັ້ງກອງທັບປະຊາຊົນລາວຄົບຮອບ 65 ປີນີ້.